وجه الفنان تامر حسني رسالة مؤثرة لجمهوره، حثهم فيها على التمسك بالأمل وعدم الاستسلام للصعاب، مستلهمًا من تجربته الشخصية التي خاض فيها تحديات قاسية في بدايات حياته، كالفقر والتفكك الأسري، قبل أن يحقق النجاح والشهرة.
شارك تامر مقطعًا من أغنيته الشهيرة “طول ما أنت مش تمثال” عبر حسابه على “إنستغرام”، وأرفقه برسالة قال فيها:
“حبايبي اللي بيفكروا حالًا، دي رسالة ليكم… قضبان سجن أفكارك السلبية أنت اللي صنعتها، محدش حابسك والله، أنت اللي حابس نفسك. أول ما تبطل تفكر بطريقة يائسة، هتقع القضبان وهتخرج من سجنك، وهتنجح، وهتحقق اللي نفسك فيه وأكتر”.
واستعرض حسني جانبًا من التحديات التي واجهها، مضيفًا:
“أقسم بالله، قبل ما أنجح، سمعت كتير كلام محبط زي: مستحيل تنجح، صوتك مش هيوصل، ما عندكش مواصفات النجم… ده غير الفقر الشديد والتفكك الأسري من وأنا عندي 7 سنين. يعني إحباط من كل اتجاه، لكني ما يئستش، وكان الكلام ده بيخليني أعاند وأكمل”.
وختم رسالته بدعوة ملهمة:
“قوم اتحرك واسعَ… الحياة مش هتحب ولا تضحك للمستسلم. ولو مش عاجبك مكانك في الدنيا، غيّره. أنت مش تمثال”.
الرسالة لاقت تفاعلاً واسعًا من جمهوره الذين أثنوا على صراحته وإيجابيته، معتبرين كلماته دافعًا للاستمرار في مواجهة التحديات.