تحدث النجم اللبناني فارس كرم على هامش مشاركته في حدث Stars On Board عن ردود الأفعال التي أثارتها تصريحاته الأخيرة حول تفاصيل من حياته الشخصية ومشاكله مع زوجته التي تمنعه من رؤية طفليه.
وشدّد كرم في مقابلة مع ET بالعربي على صراحته:
“تحدثت اللي حكيته وما بندم على شيء أنا إنسان صادق. الناس بتعرف صدقي وقلبي وإخلاصي. اللي بدو يصدقك بيصدقك، والناس اللي بتحبك بتحبك، والناس اللي ما بدها تصدقك وما بدها تحبك، لو بتقلهم آية من الإنجيل والقرآن ما راح يصدقوك.”
عن الذين شككوا في قصته، قال:
“في ناس بتحبني وفي ناس ما بتحبني، وفي كثير ناس تعاطفوا معي أنا، بس أنا مني مكسور لحتى يتعاطفوا معي.”
وأكد أنه لم ينوِ إيذاء أي أحد ولم يخصّ أي شخص بالتصريحات:
“ما كنت حابب أوصل لهون وما حدا خصّه، وأنا ما بندم على أي شيء بالدنيا لأن بعرف أنا شو وبعرف قديش أنا مخلص لأهل بيتي وما حدا خصّه.”
عن حياته الزوجية، قال:
“كل شيء بتخاف منه بهالدنيا بصير، ومش ندمان، الله أعطاني أغلى اثنين على روحي مريم وكرم”، موجهاً رسالة لأطفاله: “حبوا أمكم وبكرا بتعرفوا مين أنا”.