تحدثت النجمة يسرا خلال ندوة المخرج الراحل يوسف شاهين في مهرجان الجونة السينمائي، عن تأثير شاهين الكبير على الممثلين، قائلة:
“أي فنان يشتغل مع يوسف شاهين بيتأثر بيه جداً، تأثيره بيكون طاغي لدرجة إن بعض الممثلين ممكن يظهروا بطريقة مختلفة عن طبيعتهم، وده لأنه كان عنده قدرة غير عادية على إخراج طاقات الناس اللي حواليه”.
وروت يسرا قصة جمعتها بالمخرج الراحل، قائلة:
“كنت عايشة مع خالتي وجوزها لأن مكنش عندي بيت لوحدي.. يوسف شاهين جالي البيت وقال لخالتي صباح الخير ودخل عليا أوضة النوم.. خالتي قالت لي مين ده؟ قلت لها ده الأستاذ يعمل اللي هو عايزه”.
وفي مزاح معها قال المنتج جابي خوري:
“وعمل اللي عايزه”، فضحكت يسرا والحضور وقالت: “عمل كل اللي عايزه”.
لكن هذه التصريحات أثارت جدلاً واسعاً على مواقع التواصل الاجتماعي، حيث تصدرت يسرا الترند بسببها، وانقسمت الآراء بين من وصفها بـ”غير اللائقة”، ومن اعتبرها عفوية ولم تقصد شيئاً غير لائق.